會員註冊 常見問題 會員列表 搜尋 香港巴士討論中心 (HKBDC) 歡迎頁

 
 
香港巴士討論中心 (HKBDC) 首頁 -> 模型區及巴士物品區 -> 大白鯊出没注意!! 大男人也要迴避!!! (長文, 多圖注意) (主題編號=1460462)
發表新主題 回覆主題
上一篇主題 :: 下一篇主題
大白鯊出没注意!! 大男人也要迴避!!! (長文, 多圖注意)
發表發表於: 2016-07-29 4:39 PM 引言回覆
魔法先生 Super Bus
常駐居民
 
會員編號: 210
文章編號: 3129475
註冊時間: 2002-11-19
文章: 3355
來自: 麻帆良市



(麻帆良市時報記者高坂 穂乃果報導)
隨住香港人口不斷增長, 市民對公共交通嘅需求亦有增無減,
加上 1970 年代紅磡海底隧道通車, 市民對過海隧道巴士線嘅需求亦更加殷切,
英國嘅巴士製造商亦應香港巴士公司嘅要求,
度身設計擁有高載客量嘅雙層巴士, 比香港嘅巴士公司使用,
而中巴喺 1978 至 1979 年間引入嘅合共 40 部都城嘉慕
(Metro-Cammell Weymann, MCW) 珍寶版 Metrobus (車隊編號 MB1-40),
更一度為全港載客量最高嘅超級雙層巴士, 佢地長達 11.45m 嘅車身,
加上 3+2 座位設計, 令佢地嘅總載客量高達 146 人! (上層 70, 下層 48 加企位 28 人)
擁有咁高嘅載客量, 自然亦成為中巴喺客量高嘅海隧線快速清客嘅好幫手,
一條喺巴士站等車嘅長長嘅人龍亦可以喺短時間之內比呢架巴士快速「吞噬」,
「大白鯊」呢個別號從此亦不逕而走, 加上兩車軸設計,
亦可以為中巴節省一筆行海隧線要繳付嘅隧道過路費。
雖然呢批巴士擁有超高載客量, 但係佢地沿用原 9.7m 版本嘅 Metrobus 使用嘅機械配搭 --
10.45 公升容積, 180 匹馬力嘅 Gardner 6LXB 引擎, 加西德 Voith DIWA 851 三前速自動波箱,
令佢地滿載上斜時亦顯得有點力不從心, 加上亦正因為佢地雖然係兩軸嘅設計,
但係全車總重 (Gross Vehicle Weight, GVW) 卻高逹 18.289 公噸,
遠遠超過法例容許嘅兩軸車輛限制嘅 16 公噸! 雖然呢批巴士最後亦獲得豁免許可,
但係長期行走對路面亦構成嚴重負荷, 所以中巴後來想再加訂同款巴士時,
運輸署已經拒絕再發豁免許可證, 而呢 40 架中巴 MB 亦成為全球僅有嘅 11.45m 版兩軸 Metrobus,
不過亦因為呢批中巴 MB 嘅岀現, 為香港日後引入 12m 三軸雙層巴士埋下一條伏線。
而呢批中巴 MB 一直服役至 1998 年中巴專營權結束, 由新巴接棒後繼續為新主人服務,
最後喺 1999 年全數退役。

今日, 麻帆良市正式歡迎中巴 MCW Metrobus 「大白鯊」登場!!
呢款一聽到個別號就令人覺得毛骨悚然嘅巴士車款,
身為九龍人嘅市長 Super Bus, 佢話初初喺港島見到呢款車果陣,
雖然當時佢對巴士嘅認識真係一無所知, 但係佢地長長嘅車身,
卻為 Super Bus 留下一個深刻嘅印象, 「點解呢架巴士咁長嘅?」
後來上到中學, 對巴士認識稍為多啲, 先至知原來呢款巴士有個咁勁抽嘅外號!
Super Bus 仲話, 呢款巴士佢亦都坐過幾次,
最有印象係一次喺 1992 年由紅磡屋企坐 106 去摩士公園游泳池,
參加學校嘅水運會, 果次就坐中其中一架 MB 行 106,
佢話或者係因為 MB 咁大架車, 加上佢所配搭嘅引擎喺呢架咁重嘅車上運作,
同埋亦有相當嘅車齡, 雖然當時車上乘客唔多,
但係亦覺得架車行車時冇乜力水, 話雖如此, 但係 Super Bus 依然覺得,
呢批中巴「大白鯊」的確係特別嘅車款, 更何況係中巴獨有嘅車款,
隨住中巴專營權結束, 同呢款巴士嘅退役,
呢一切亦只有成為追憶, 今日呢兩架「大白鯊」,
亦希望帶大家去懷愐一下佢地喺中巴時代嘅一段歲月。

隆重歡迎! 中巴 MCW Metrobus "大白鯊" , 見參!!



啱啱去完 Comic-Con 唔夠一個禮拜,
除左兩架大白鯊之外, 仲有冠忠 MAN A95 同 Olympian 巴士書,
一炮過尋日全部接收!


先立下本 Olympian 巴士書,
同幾年前出嘅 Metrobus 書相比, 個人覺得排版進步左好多,
而且內容亦唔錯, 就算你已經有陳自瑜出嘅果一本,
呢本都值得入番本睇下~


左呔版嘅三門 Olympian, 仲要係兩軸, 你見過未? 至少陳生果本就見唔到啦!








Olympian 本書一陣至再慢慢睇, 依家都係睇下啲車車先啦~







冠忠 MAN A95, 證書編號 0909, 全球限量 1000 架


中巴 MCW Metrobus 大白鯊 MB 12, 證書編號 619, 全球限量 750 架


中巴 MCW Metrobus 大白鯊 MB 34, 證書編號 719, 全球限量 750 架


正式落地!! 今次就由重音テト嚟迎接呢三架新車啦~!!




冠忠 MAN A95, 首度配上由馬來西亞 Gemilang 順豐客車廠提供嘅雙層巴士車身,
同款巴士亦有喺九巴、新巴, 以至新加坡嘅 SMRT 被採用




初時在下對呢款車冇乜大好感, 或者係因為我對馬來西亞出品嘅巴士車身抱有一啲成見,
但係再睇多幾眼, 亦開始對佢嘅外型感到受落, 依家出埋模型, 更令在下愛不釋手!!
期待日後可以再出埋九巴同埋 SMRT 色!

















跟住就係我地嘅主角 -- 中巴大白鯊啦!!


MB 12


除左過海線之外, 20 號亦係大白鯊行走嘅路線之一,
可惜同大白鯊巴士一樣, 呢條路線亦已經成為歷史...














MB34
















當 MB 遇上 MC




中巴的 Metrobus, 如果冇 Metrobus MC 豪華巴士, 就唔會有大白鯊,
更唔會有後來嘅 12m 三軸 Super Metrobus











小劇場~~~ XDDD


初音冇出嚟一排, 好似肥左啲咁啵~~~
Well, 今日有新車到, 初音梗係要嚟驗下車啦~~~
(初音) Super Bus 呢條人粉, 啱啱去完 Comic-Con 玩 Cosplay 梗係玩到癲哂定啦!
難為我成日幫佢整車, 仲要冇人工比!!

咦, 今次呢兩架車...佢地就係大白鯊嗱??
成架車咁長得果兩條擔 "浪" 住, 夠力㗎嗱...??


正當初音準備開工 Tune 車之際, 背後突然岀現一個巨大身影...


初音感到背後有一股壓迫感, 於是猛然轉身...
(初音) 誰か?!!


原來係巡音ルカ嘅寵物 -- たこルカ
(たこルカ) 妳好嗎たこ~~~~~~


初音一見到たこルカ, 即刻嚇到魂飛魄散!!
(初音) 呀呀呀呀呀呀呀呀呀呀呀呀呀呀呀呀呀呀呀呀~~~~~~~~~~~~~~~~~~WTF~~~~~~~~~~~~~~~!!!!!!!!!!!!!!!!!!


言訖, 初音即刻轉身, 極速逃走!!!


たこルカ走近架大白鯊......
大白鯊~~~~~~大白鯊~~~~~~我最鍾意食大白鯊~~~~~~


言訖, たこルカ開始有所行動......


............? ? ?


What the heck?!! O口Olll







Thanks for reading~ ^^


魔法先生 Super Bus 在 2016-07-30 1:50 AM 作了第 1 次修改
檢視會員個人資料 發送私人訊息 發送電子郵件 參觀發表人的個人網站 MSN Messenger ICQ 號碼
大白鯊出没注意!! 大男人也要迴避!!! (長文, 多圖注意)
香港巴士討論中心 (HKBDC) 首頁 -> 模型區及巴士物品區
無法 在這個版面發表文章
無法 在這個版面回覆文章
無法 在這個版面編輯文章
無法 在這個版面刪除文章
無法 在這個版面進行投票
無法 在這個版面附加檔案
無法 在這個版面下載檔案
所有的時間均為 台灣時間 (GMT + 8 小時)
1頁(共1頁)

  
發表新主題 回覆主題


正體中文語系由 phpbb-tw 維護製作

Powered by phpBB  © 2001-2003 phpBB Group Style created by Vjacheslav Trushkin